pakilala

My photo
Marc is 25 years old and currently based in Singapore. Frustrated film writer and director. Theatre performer by HEART & SOUL. "Alipin ng Sining"

Wednesday, January 12, 2011

Lukso ng Dugo


Paano nga ba magkaroon ng kapatid? Syempre ang sagot gagawa ng bata ang nanay at tatay mo diba? Ang ibig kong sabihin e paano ba dapat ang magkaroon ng kapatid. Naintindihan niyo na? Hindi pa. Maski ako hindi ko rin maintindihan at hindi ko alam kung papaano ko iintindihin. Masyadong mabilis lahat ng pangyayari. Parang isang iglap lang:


November 25,2010
(phone ringing)
ako: hello
tita: nanganak na daw mommy mo
ako: ah! (medyo natulala) oh kamusta?
tita: lalake daw. Umuwi ka daw para makita mo.
ako: ah okey sige try ko this weekend.

Naganap na nga! Ipinanganak na ni mommy ang pangalawa niyang anak. Oo tama, after 22 years nagkaroon na ako ng baby brother. Eto siya oh. Everyone meet my brother.

 Siya si Zian Thadeus. Sorry hindi ko alam ang last name niya. Honestly speaking hindi ko talaga alam. Sa mga hindi nakakaalam, magka-iba kami ng ama at ibang isyu na iyon. Balik tayo sa aking baby brother. Ipinanganak siya noong Nov.25,2010. Una ko siyang nakita Nov.28,2010, 3day old pa lamang siya noon. Hindi ako ganun ka excited makita siya. Sobrang ironic ng pakiramdam dahil mahilig ako sa babies subalit sa mga oras na iyon ay parang naiilang ako.

"Lukso ng dugo" syempre meron, unti-unti akong lumapit sa kanya at dumapa sa kama. Kinausap ko siya na parang matanda. "oh ang bagong baby.. naku ang ilong kapapango..(sabay tawa ko)". Nasa loob din ng kwarto ang mommy ko, kakaibang eksena yun sa buhay ko. Sa loob ng 22 na taon ay sanay ako na kaming dalawa lang ng nanay ko sa loob ng kwarto sa tuwing uuwi ako sa Laguna. Iba na nga...ibang-iba na, "may bago na" biro nga ng mga kaibigan ko at "hindi na ako favorite". Nakakatawang isipin na nagseselos ako sa isang batang wala pang muwang sa mundo. Hindi niyo naman ako masisisi diba? Sa tanda ko ng ito ngayon lang ako nagkaroon ng kapatid (may dalawa akong kapatid sa daddy ko pero ibang istorya din iyon). Siguro nga hindi pa ako sanay, at alam kong masasanay din ako sa ganitong lagay sa takdang panahon.

Hindi pa din siguro ako handa o mas tamang sabihin ko na hindi ko inihanda ang sarili ko. Hindi ako nagmamadali, unti-unti siguro at ayaw ko ng biglaan. Pero sa lahat ng mga naramdaman ko nung nakita ko siya isa lang ang tumatak sa isip at puso ko. Hindi man kami magkamukha, kapatid ko nga talaga siya at hindi na maitatangi yun! Ito ang pruweba! Tingnan mabuti ang tenga niya hahaha

Nakayupi din ang kanyang dalawang tenga





Parang sa akin haha =P
Posted by at

6 comments:

  1. AnonymousJanuary 12, 2011 at 8:04 AM

    What?? Certified kuya ka na?? Wahahaha! Grabe, at least malalaman mo na ang feeling na maging panganay at magiging paranoid sa safety ng nakababatang kapatid. :p

    ReplyDelete
  2. marcJanuary 13, 2011 at 1:34 AM

    yun ang hindi ko pa talaga napaghahandaan "ang maging paranoid dahil may kapatid". haha

    ReplyDelete
  3. Stephen De La RosaJanuary 13, 2011 at 7:42 AM

    What the heck! may blogspot ka na! nyahaha
    -Carlo

    ReplyDelete
  4. marcJanuary 13, 2011 at 8:53 AM

    Palitan mo name mo ng BERO'S RECRUITMENT AGENCY or B.R.A! para pagtinype sa google ang bra ikaw agad ang lalabas hahah

    ReplyDelete
  5. iannaFebruary 4, 2011 at 11:54 PM

    hndi lng sa tenga kau similar..:)

    ReplyDelete
  6. marcFebruary 6, 2011 at 5:03 AM

    weh??? san pa???? hahah

    ReplyDelete

Subscribe to: Post Comments (Atom)